Northern Samar – Muling umarangkada ang programang “Hatid Regalong Pangkabuhayan” ng 1st Northern Samar Provincial Mobile Force Company sa Brgy. Calachuchi, Catarman, Northern Samar nito lamang ika-23 ng Agosto 2022.
Ang aktibidad na ito ay isa sa mga best practice ng 1st Northern Samar Provincial Mobile Force Company sa pamumuno ni Police Lieutenant Colonel Edwin M Oloan Jr, Force Commander.
Ang napiling benepisyaryo nito ay si alyas “Jenny” na nakapag-asawa sa murang edad na 15-anyos subalit nakaranas ng pang-aabuso mula sa kanyang asawa na humantong sa kanilang hiwalayan at ngayon ay isang solong ina.
Si Jenny ay nakatanggap ng sari-sari store package mula sa kagandahang loob na handog ng 1st Northern Samar Provincial Mobile Force Company.
Ang programang ito ay naglalayong tulungan na makaahon sa kahirapan ang mga kababayan nating naghihikahos sa buhay lalo na ngayon na tayo ay nahaharap sa matinding krisis dulot ng pandemya.
Mensahe ni PLtCol Oloan, “Ang aming himpilan, kasama ng aking mga tauhan ay laging handang magbigay ng tulong sa ating mga kababayan sa abot ng aming makakaya para sa mas maunlad at mapayapang pamayanan tungo sa ninanais nating buhay para sa ating lahat”.
Source: 1st Northern Samar Provincial Mobile Force Company
###
