Bohol – Matagumpay na isinagawa ng mga tauhan ng Talibon Municipal Police Station ang Community Outreach Activity na binansagang “Batang Busog-Lusog sa Paaralan” sa ilalim ng programang G.O.O.D.C.O.P.S na ginanap sa Brgy. Sikatuna Covered Court, Talibon, Bohol nito lamang Miyerkules, Setyembre 06, 2023.
Ang aktibidad ay pinangunahan ni Police Captain Amelito Melloria, Chief of Police, katuwang ang Barangay Chairman ng naturang lugar na si Hon. Cerilo B Garcia at sa aktibong partisipasyon ng mga Barangay Health Workers at miyembro ng 47IB Sikatuna Patrol Base sa pangunguna ni Sgt. Rolando Navarra Jr.
Tampok sa naturang aktibidad ay pamimigay ng nutritional snacks sa halos 70 na kabataang mag-aaral.
Ang Batang Busog-Lusog sa Paaralan ay isang sub-program sa ilalim ng G.O.O.D.C.O.P.S. (Generous Officers Offering Desirable Deeds for a Genuine Community Outreach Programs and Services) na may layuning maihatid ang mga serbisyo at pangunahing pangangailangan partikular na sa mga kabataang estudyante at upang mapaunlad pa ang mga positibong relasyon sa loob ng komunidad para sa mas maayos at maunlad na pamayanan.
