Cebu City – Patuloy ang pagsasakatuparan ng programang “Children’s Haven” ng mga tauhan ng Police Station 5 ng Cebu City Police Office sa mga batang mag-aaral ng Ermita Elementary School sa Kawit, Cebu City nito lamang Sabado, Hulyo 24, 2023.
Ang aktibidad ay pinangunahan ng mga tauhan ng naturang istasyon sa pangangasiwa ni Police Major Miles Bacniat Damoslog, Station Commander kasama ang mga masisipag na volunteer na mga Pastor, Life Coach mula sa iba’t ibang simbahan sa Sugbo, mga kawani ng Gender and Development (GAD) sa Ermita at Pahina Central sa Cebu City.
Tampok sa naturang programa ang pakikinig sa salita ng Panginoon, art class, tutor at libreng pagkain para sa mahigit kumulang 100 na mga bata na mag-aaral ng nasabing paaralan.
Layunin ng programang ito na makapagbigay sa mga batang mag-aaral ng kasiyahan at kinakailangang suporta para sa kanilang mga personal na pag-unlad.
