Sa hangaring maging instrumento ng pagmamalasakit sa komunidad, inilunsad ng Regional Mobile Force Battalion 2 ang Programang “Birthday ko, Para sa Inyo” na ginanap sa Barangay Sindun Bayabo, City of Ilagan, Isabela nito lamang Pebrero 29, 2024.
Ang aktibidad ay pinangunahan ni Police Captain Carlo B Morales, Deputy Ex-O 3rd Platoon Leader, 201st Maneuver Company ng RMFB 2 katuwang ang Regional Police Community Affairs and Development Unit 2 at Sangguniang Barangay ng naturang lugar.
Naglaan ng isang libong piso ang bawat miyembro ng kapulisan na nagdiriwang ng kanilang kaarawan upang ibahagi sa mga kapuspalad sa kanilang nasasakupan at nakipagtulungan din ang lokal na pamahalaan ng Ilagan at mga stakeholders tulad ng pamamahagi ng pre-loved clothes, school supplies, food packs, libreng gupit at feeding program na pinakinabangan ng umabot sa 450 benepisyaryo.
Patuloy pang paiigtingin ng Pambansang Pulisya ang pagsasagawa ng mga ganitong inisyatibo na magbibigay pag-asa at inspirasyon para sa inaasam na mapayapa at maunlad na Bagong Pilipinas.
Source: RPCADU2
Panunulat ni PCpl Kelvin Paul Juan
