Muntinlupa City – Muli na namang umarangkada ang programa ng Regional Mobile Force Battalion ng NCRPO na “Pahandog ni Datu” nito lamang Martes, Mayo 2, 2023.
Kinilala ang benepisyaryo na si Ginoong Mencio Reyes, 85, at residente ng New Tensuan Site, Katihan Poblacion, Muntinlupa City.
Pinangunahan ito ni Police Major Edgardo S Tigbao, Chief, BCAS sa ilalim ng pamumuno ni Police Colonel Jonathan Calixto, Force Commander ng RMFB-NCRPO.
Lubos ang pasasalamat ni Ginoong Reyes na nakararanas ngayon ng sakit na diabetes dahil sa isang bagong wheelchair na handog ng kapulisan na syang malaking tulong upang mapadali ang kanyang pang araw-araw na pamumuhay.
Ayon sa pamunuan ng RMFB NCRPO, patuloy sila sa pagtulong sa mga kababayan natin na may malubhang karamdaman at nangangailangan ng wheelchair.
Source: RMFB NCRPO
Panulat ni PSSg Remelin M Gargantos
