Benguet – Pormal nang sinimulan ang PROCOR Sportsfest 2023 at PBGen Peredo Jr. Cup Season 1 sa Camp Major Bado Dangwa, La Trinidad, Benguet nito lamang ika-23 ng Mayo 2023.
Ang aktibidad ay pinangunahan ni Police Brigadier General David Peredo Jr., Regional Director ng PROCOR katuwang si Coach Marquez “Mark” Sangiao , Chairman at Head Coach ng Team Lakay MMA team bilang Guest of Honor and Speaker.
Dito ay nagbahagi ng inspirational message si Coach Sangiao sa kanyang buhay bilang dating MMA fighter hanggang sa nabuo ang Team Lakay na umani ng mga championship belts.
Ang naturang sportsfest ay binubuo ng 16 na kupunan na nagbandera ng kanilang mga banner at iba’t ibang sportsfest uniform kasama ang kinatawan na kaakit-akit na mga muse.
Pinangunahan din ni Coach Sangiao ang pagbubukas ng laro sa pamamagitan ng Ceremonial Jump Ball sa pagitan ng Team Logistics Group at Team Command Group.
Layunin nitong pagtibayin ang camaraderie at sportsmanship sa pagitan ng mga manlalaro at maipamalas ang kanilang mga talento at kahusayan sa larangan ng basketball.
Source: RPCADU Cordillera
