La Trinidad, Benguet – Personal na binisita ni Police Brigadier General Ronald Oliver Lee, Regional Director ng Police Regional Office Cordillera, ang apat na polling precinct sa Bangued, Abra isang araw bago ang halalan, Mayo 8, 2022.
Ayon kay Police Brigadier General Lee, pisikal na binisita niya ang polling precinct ng Angad, Agtangao, Dangdangla at upang matiyak na din ang kapakanan ng mga pulis na nakatalaga para manungkulan sa halalan.
Ayon pa kay Police Brigadier General Lee, ang kanyang pagbisita sa mga polling precinct ay upang masuri ang peace and order situation sa mga lugar.
Samantala, nagsagawa rin ng inspeksyon sa signal at kuryente upang matiyak ang maayos na daloy ng halalan bukas, Mayo 9, 2022.
Dagdag pa ni Police Brigadier General Lee, nakabantay ang mga kapulisan at iba pang kawani ng law enforcement agencies sa pagpapatupad ng ligtas, matiwasay, mapayapa at maayos na National at Local Elections sa buong Cordillera sa Lunes, May 9, 2022.
Kanya ding hinikayat ang publiko na lumabas at bumoto sa kani-kanilang mga voting centers habang naki-usap naman siya sa mga kandidato na sumunod sa mga alituntunin upang manatili ang kapayapaan sa isasagawang election 2022.
Source: https://m.facebook.com/story.php?story_fbid=329384165979244&id=100067229887274
###
