Leyte – Inilunsad ng Police Regional Office 8 ang 1st ever Charity Project na tinawag na PRO 8’s Foundation para sa Damayang may Malasakit sa Kapulisan na ginanap sa PRO 8 Multi-Purpose Hall, Camp Sec Ruperto K Kangleon, Palo, Leyte nito lamang Lunes, Pebrero 13, 2023.
Ang nasabing charity project ay inisyatibo ni Police Brigadier General Rommel Francisco D Marbil, Regional Director ng PRO 8, na magbuo ng isang support system sa pamamagitan ng isang foundation.
Ang foundation ay inilaan para sa lahat ng uniformed at non-uniformed personnel ng PRO 8 na may mga pangangailangang tulong medikal at ang mga tauhan na ang mga miyembro ng pamilya ay may malubhang sakit tulad ng Breast Cancer, Primary Mediastinal B Cell Non-Hodgkin’s Lymphoma, Non-Hodgkin’s Lymphoma, Pangmatagalang Sakit sa Bato Stage 4, Stage IV, Non-small cell Lung Cancer, Colon Cancer at Chronic Myelogenous Leukemia.
Nakatakdang ilabas ng foundation ang buwanang tulong pinansyal na hindi hihigit sa Php5,000 sa bawat benepisyaryo.
Ito ay bilang suporta sa kanilang mga medikal na gastusin ngunit ang halagang ibibigay ay ibabase sa kakayahang pondo ng foundation.
Sa kasalukuyan, ang foundation ay mayroong Php159,843 na pondo mula kay PBgen Marbil, mga donasyon ng ilang opisina/yunit ng PRO 8 at mula sa mga pribadong indibidwal na nagtiwala sa layunin ng foundation.
Bago ito, ang Regional Medical and Dental Unit 8 ay nagsumite ng mga pangalan ng mga tauhan ng PRO 8 na may kritikal na karamdaman ng 7 Police Non-Commissioned Officers (PNCOs) at isang Non- Uniformed Personnel (NUP).
Sa paglulunsad, ang nasabing walong personnel ay nakatanggap ng paunang tulong pinansyal na Php10,000 bawat isa.
Bukod dito, nag-donate ng limang wheelchair ang tanggapan ni Senador Ronald “Bato” Dela Rosa sa nasabing foundation.
Ipinahayag naman ni RD Marbil ang kanyang pasasalamat sa lahat ng mga donor na naging dahilan upang maisakatuparan ang foundation na ito.
Mensahe niya, “This is for our people, for our men and women, because nobody cares and look after us when we are sick. Kaya sana masustain itong programang ito dahil napakalaking tulong nito sa ating mga kabaro. Rest assured that PRO 8 will not in any way abandon you in your downest of time”.
