Nakiisa ang Police Regional Office 3 sa pagdiriwang ng Eid al-Adha 2022 kasama ang ating mga kapatid na Muslim na ginanap sa PRO3 Grandstand Conference Room, Camp Captain Julian Olivas, City of San Fernando, Pampanga nito lamang Sabado, ika-9 ng Hulyo 2022.
Ang naturang aktibidad ay pinangunahan ng Regional Community Affairs and Development Division 3 sa ilalim ng pamumuno ni Police Colonel David N Poklay, Chief RCADD3 kasama sina Police Lieutenant Colonel Ricardo M David, Officer-in-Charge, Regional Police Community Affairs and Development Unit 3, Police Colonel Wilson O Delos Santos, Force Commander ng Regional Mobile Force Battalion 3 at ang ating mga kapatid na Muslim na pinangunahan naman ni Imam Abdul Fata.
Tinatayang 30 miyembro ng Muslim sa Central Luzon ang nakilahok at nabigyan ng food packs sa nasabing pagdiriwang.
Labis naman ang pasasalamat ng mga kapatid nating Muslim sa pakikiisa ng kapulisan ng Police Regional Office 3 sa pagdiriwang ng Eid al-Adha 2022.
Sinisiguro naman ng pamunuan ng Police Regional Office 3 na patuloy silang magbibigay ng tapat na serbisyo sa lahat ng mamamayang Pilipino.
Source: RCADD3
###
Panulat ni Police Corporal Rivera
