Nakiisa ang Police Regional Office (PRO) 13 sa isinagawang 3rd Quarter Nationwide Simultaneous Earthquake Drill 2024 na ginanap sa Camp Colonel Rafael C Rodriguez, Butuan City bandang 9:00 ng umaga nito lamang ika-26 ng Septyembre, 2024.
Ang nasabing aktibidad ay nagsimula sa isang malakas na tunog ng alarma bilang hudyat ng pagsisimula at pagpapakita ng wastong paraan ng pagsasagawa ng Drop, Cover at Hold bilang preparasyon sa mga hindi inaasahang lindol.
Kabilang sa isinagawang full-scale exercise ay ang Ground Maintenance Safety and Inspection, Search and Rescue; Medical and First Aid Emergency; Firefighting; Evacuation; Security; at ang reserve/communication.
Layunin ng aktibidad na sanayin ang mga tao sa tamang aksyon upang mapabuti ang kaalaman sa mga emergency procedures, mabawasan ang takot, at masigurong handa ang lahat sa potensyal na panganib ng hindi inaasahang sakuna tulad ng lindol. “I laud the active involvement of our PNP Caraga personnel from different offices and units in the region in performing the proper execution of the drill. Let us also advise our family to be prepared in order to avoid or minimize casualties when the inevitable disaster happens.” pahayag ni Police Brigadier General Alan M Nazarro, Regional Director ng Police Regional Office 13.
Panulat ni Patrolwoman Karen Mallillin
