Nakatanggap ang Police Regional Office (PRO) 13 ng mga bagong kagamitan at mobility assets sa Camp Col Rafael C Rodriguez, Libertad, Butuan City nito lamang Lunes, Setyembre 9, 2024.
Pinangunahan ni Police Brigadier Alan M Nazarro, Regional Director ng PRO 13, ang nasabing seremonya kasama ang iba pang miyembro ng Command Group, at si Police Major Lorenzo Luga, Regional Pastoral Officer, na siyang nagsagawa ng pagbasbas sa nasabing mga kagamitan.
Ang mga bagong Logistical Assets ay kinabibilangan ng tatlong unit ng Patrol Jeeps Single Cab, walong unit ng Light Motorcycle 150cc, at walong unit ng Galil Ace 22 Basic Assault Rifles na inisyu sa istasyon ng Esperanza, Del Carmen, San Francisco, Sta. Monica, Tubod, Cortes, Lanuza, Carmen, Tubay, at Cagwait.
Bukod pa rito, tatlong unit ng mga Light Transport Vehicle ang indibidwal na inisyu sa mga opisina ng Deputy Regional Director for Operations and Administration at sa opisina ng Chief of the Regional Staff.
Dumalo rin ang mga Local Chief Executives ng mga munisipyo kung saan ibibigay ang mga yunit, kabilang sina Hon. Jimmy L. Beray, Mayor ng Tubay; Hon. Glenn G. Batiancila, Alkalde ng Cagwait; Hon. Renato A. Calañas, SB member ng Carmen Surigao del Sur; at mga Chief of Police ng Municipal Police Station (MPS) na tatanggap sa bagong kagamitan.
“These resources will be pivotal in our operations, and beyond their practical utility, these are a solid testament to the unwavering support from our government and the public. Rest assured that with the upgrade of our resources, we will continue enhancing public safety, and ensure speedy response time to any eventualities while maintaining the peace and order of the region,” ani PBGen Nazarro.
Panulat ni Patrolwoman Karen Mallillin
