Nagsagawa ng Outreach program ang mga tauhan ng Police Regional Office 11 kasama ang Officer Ladies Club sa mga biktima ng sunod sunod na kalamidad sa Maco, Davao De Oro nito lamang Marso 19, 2024.
Ang aktibidad ay pinangunahan ni Police Brigadier General Alden B Delvo, PRO11 Regional Director katuwang ang kaniyang mabuting may bahay na si Gng. Ma. Tisha Goldie Delvo, Adviser ng PRO11 Officers Ladies Club.
Dumalo rin sa nasabing aktibidad sina Police Colonel Benedicto Faco, Provincial Director ng Davao De Oro Police Provincial Office at Governor Dorothy Gonzaga upang magbigay mensahe sa mga residente ng nasabing lugar.
Bukod pa dito ay nagbigay ngiti rin ang mga tauhan ng Regional Medical and Dental Unit 11 sa mga kabataan kung saan namahagi sila ng school supplies, stuffed toys at ice cream habang nagsagawa naman ng libreng gupit ang mga tauhan ng Revitalized-Pulis sa Barangay PRO11.
Layunin ng aktibidad na magbigay saya at serbisyo sa mga residente ng Maco, Davao de Oro upang pansamantala ay mapawi ang kanilang lungkot dulot ng nangyaring kalamidad kung saan lubos ang naging pasasalamat ng mga residente ng nasabing lugar sa kapulisan at sa Officers Ladies Club.
Panulat ni Pat Shairra Rose A Aquino
