Isinagawa ng Police Regional Office 10 ang Command Conference kaugnay sa 2025 Elections na pinangunahan ni Police Brigadier General Jaysen C De Guzman, Regional Director nito lamang Abril 30, 2025 sa Multi-Purpose Hall ng Camp 1Lt Vicente G Alagar, Lapasan, Cagayan de Oro City.
Dinaluhan ang nasabing aktibidad ng mga miyembro ng Command Group, Regional Staff, Provincial at City Directors, Force Commander ng RMFB 10, at iba pang mga opisyal ng kapulisan na lumahok sa pamamagitan ng virtual platform.
Binigyang-diin ni PBGen De Guzman ang kahalagahan ng kahandaan at koordinasyon ng buong kapulisan sa pagsisiguro ng maayos, ligtas, at mapayapang halalan. Hinikayat din nito ang lahat ng mga opisyal at tauhan na panatilihin ang propesyonalismo at integridad sa lahat ng operasyon, lalo na sa panahon ng eleksyon.
Layunin ng pagpupulong na palakasin ang estratehiya sa law enforcement, suriin ang mga tagumpay at direktiba, at ihanda ang deployment para sa 2025 elections.
