La Trinidad, Benguet – Nakiisa ang Police Regional Office Cordillera sa pagdiriwang ng National Children’s Month 2022 na may temang “Kalusugan, Kaisipan at Kapakanan ng Bawat Bata, Ating Tutukan” na ginanap sa Masigasig Grandstand, Camp Major Dangwa, La Trinidad, Benguet nito lamang ika-14 ng Nobyembre 2022.
Ang aktibidad ay kasabay ng Traditional Monday Flag Raising Ceremony na pinangunahan ni Police Brigadier General Mafelino Bazar, Regional Director ng Police Regional Office Cordillera at dinaluhan ng iba pang mga miyembro ng PROCOR Command Group, Regional Staff, at ang mga hepe ng Regional Support Units.
Tampok sa aktibidad ang pagbigkas ng mga kalahok sa “Panatang Makabata” upang ipakita ang kanilang suporta at pagtibayin ang pagprotekta, paggalang at pagtaguyod ng mga karapatan ng bawat bata sa lahat ng oras, anuman ang kanilang kulay, katayuan sa pamumuhay, kasarian, lahi, relihiyon, kultura, may kapansanan man o wala.
Isang patunay na ang ating pulisya ay buong suporta na tumitindig para sa karapatan ng bawat bata at patuloy na ginagawa ang lahat ng kanilang makakaya upang magkaroon ng ligtas at mapagkalingang lipunan para sa kinabukasan ng mga bata sa kanilang nasasakupan.
Source: PROCOR-PIO
