Baguio City – Nakiisa sa Department of Health Media Forum ang Police Regional Office Cordillera na dinaluhan ni Police Colonel Ronald Gayo hinggil sa “Iwas-Paputok Campaign” Update na ginanap sa Baguio General Hospital Medical Center Garden, Baguio City nito lamang Enero 1, 2023.
Ang forum ay pinangunahan ni Dr. Maria Rosario Singh-Vergeire, Officer-In-Charge, Secretary, Department of Health na nilahukan naman ng iba’t ibang kinatawan mula sa DOH-CAR, BGHMC at Bureau of Fire and Protection-CAR.
Sa nasabing aktibidad ay ibinahagi ni PCol Gayo ang mga inisyatibo at paghahanda na ginawa ng PROCOR upang tiyakin ang kaligtasan at kapayapaan sa buong rehiyon sa pagsalubong sa bagong taon.
Ayon naman sa monitoring ng Regional Operations Division, mula noong unang araw ng bagong taon ay naging maayos ang pagsalubong sa bagong taon maliban na lamang sa naitalang dalawang biktima ng ligaw na bala sa lalawigan ng Abra.
Samantala, agad namang ipinag-utos ni Police Brigadier General Mafelino Bazar, Regional Director ng PROCOR ang agarang imbestigasyon hinggil sa pagkakakilanlan ng mga suspek na sangkot sa naturang insidente.
Source: Police Regional Office Cordillera
