Nakiisa sa City of Pines 114th Charter Anniversary ang mga PRO CORDILLERA Key Officers sa Baguio Convention Center, Baguio City nito lamang ika-1 ng Setyembre 2023.
Pinangunahan ang aktibidad ni Baguio City Mayor Benjamin Magalong kasama ang mga opisyales ng PRO CORDILLERA na sina Police Colonel Julio Lizardo, Chief Regional Staff; Police Colonel Byron Tegui-in, Chief Regional Community Affairs and Development Division; at Police Colonel Francisco Bulwayan Jr., City Director Baguio City Police Office.
Sa naturang pagdiriwang, si US Ambassador to the Philippines Marykay Carlson ang naging Guest of Honor and Speaker at naggawad para sa tatlong Outstanding Citizen of Baguio City 2023.
“Reflection of the Past, Vision for a Resilient Future” ang naging tema ng pagdiriwang. Matatandaan na ang selebrasyon na ito ay naisabatas sa ilalim ng RA 6710 na nagdedeklarang ang ika-1 ng Setyembre kada taon ang Baguio Charter Day at special non-working holiday ng lungsod.
Ang pagdiriwang na ito ay pagpapakita ng mga natatanging gawa, pag-unlad ng Baguio City pagdating sa kultura, ekonomiya, turismo at pagkakaisa ng gobyerno, PNP at mamamayan tungo sa kaunlaran.
