Police Regional Office Bangsamoro Autonomous Region – Patuloy pa rin ang mahigpit na pagbabantay ng seguridad ng PNP Bangsamoro para sa Araw ng Halalan ngayong Mayo 9, 2022.
Ayon kay PMGen Valeriano De Leon, TDO/Deputy Commander ng Security Task Force NLE 2022, bukod pa sa mga nakadeploy na sa Rehiyon ay mayroon pang karagdagang puwersa na 200 na kapulisan mula sa Police Regional Office 10 at 100 na kapulisan naman mula sa Police Regional Office 12 ang ipinakalat sa BARMM partikular na sa Maguindanao na tumutulong upang siguruhin ang maayos at payapang halalan sa Rehiyon.
Ayon pa kay PMGen De Leon, mas mababa ang krimen ngayong Mayo 2022 kumpara sa nagdaang halalan.
Pinuri naman ni PMGen De Leon ang pamumuno ni PLtGen Jose Chiquito Malayo, Commander ng Area Police-Western Mindanao at ni PBGen Arthur Cabalona, Regional Director ng PRO BAR ang mahigpit na pagbabantay at maagap na pagtugon sa mga report na natatanggap kaugnay sa nagaganap nga na eleksyon.
Bilang paglilinaw naman sa katanungan kung makakaboto pa ba kapag lagpas na sa alas 7 ng gabi, pinaliwanag naman ito ni PMGen De Leon.
Aniya, hanggang mayroon pang hindi natatapos bumoto ay ipagpapatuloy pa ito.
“Aalalayan ito at hindi ipagkakait ang kanyang karapatang bumoto”, dagdag pa niya.
###
