BARMM – Nagtalaga ng kabuuang 78 teams ang Police Regional Office Bangsamoro upang magrescue at bantayan ang mga evacuation center sa mababang lugar sa buong lalawigan ng Maguindanao na kasalukuyang sinasalanta ng bagyong “PAENG” ngayong Oktubre 28, 2022.
Pinangunahan ni PBGen John Gano Guyguyon, Regional Director, PRO BAR ang pagtatalaga ng 78 teams na binubuo ng Search, Rescue and Retrieval (SRR) at Reactionary Standby Support Force (RSSF) para tumulong sa mga naapektuhan ng baha sa probinsya ng Maguindanao.
Samantala, may 27 teams na binubuo ng SRR at RSSF ang nakastandby para magbigay ng suporta sa mga evacuation center.
Dagdag pa, may kabuuan na 160 personnel ang nakadeploy sa 119 na evacuation center, yung iba ay nagpapatrolya at nagsasagawa ng road clearing operations.
Ginagawa ng Police Regional Office BAR ang lahat ng kinakailangang hakbang upang maprotektahan ang buhay at ari-arian sa mga apektadong lugar sa lalawigan ng Maguindanao.
Hinihiling din ng PRO BAR ang kooperasyon ng publiko na sundin ang paglikas at iba pang mga tagubilin mula sa mga opisyal ng lokal na pamahalaan, lalo na ang mga lugar na nakararanas ng malakas na pag-ulan at flashflood dulot ng bagyong “Paeng”
Panulat ni Patrolman Mark Vincent Valencia
