Maguindanao – Nagsagawa ang mga tauhan ng Police Regional Office Bangsamoro Autonomous Region ng Community Outreach Program na may temang “Malasakit sa Kapatid Nating Teduray” sa mga Teduray Indigenous People ng Sitio Nabilan, Brgy. Awang, Datu Odin Sinsuat, Maguindanao nito lamang ika-19 ng Enero 2023.
Ang naturang aktibidad ay pinasimulan ng Taga Cotabato Ka kung Inc. (TCKKI) sa pangunguna ni Cathleya D Diocolano, President, katuwang ang Cotabato City Police Office, Regional Finance Service Office 19, 1404th RMFC RMFB, 1st PMFC Maguindanao, Philippine Army, City Explosive and Canine Unit (CECU), at iba pang stakeholder.
Naging benepisyaryo ng aktibidad ang mga residente mula sa Sitio Nabilan na nakatanggap ng mga food packs, school supplies, mga laruan, tsinelas, kagamitan, libreng gupit, at dental fluoride services.
Samantala, ang aktibidad na ito ay alinsunod sa programa ng Hepe ng Pambansang Pulisya na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
Panulat ni Patrolman Charlie Nasroden Corpuz
