Maguindanao – Nagpadala ang Police Regional Office Bangsamoro Autonomous Region ng dagdag na tauhan sa iba’t ibang polling precinct para sa dagdag na seguridad sa nalalapit na plebisito sa lalawigan ng Maguindanao noong Setyembre 15, 2022.
Pinangunahan ni PBGen John Guyguyon, Acting Regional Director, PRO BAR ang send-off ceremony para sa mga pulis na madedeploy sa iba’t ibang polling precinct sa lalawigan ng Maguindanao.
Nasa 2,500 na tauhan ang idineploy sa iba’t ibang polling precinct sa lalawigan ng Maguindanao upang magbantay at magsilbing dagdag seguridad sa lugar.
Magaganap ang plebisito sa Setyembre 17, 2022 na kung saan ay pagbobotohan ng mga residente ng Maguindanao kung mahahati ba sa dalawa ang lalawigan.
Kung sakali na mahati sa dalawa ang lalawigan ng Maguindanao ay magkakaroon ng Maguindanao del Norte na kung saan ang capitol town nito ay Datu Odin Sinsuat at Maguindanao del Sur na kung saan ang capitol town nito ay ang bayan ng Buluan.
Ang PNP ay patuloy sa mandato na protektahan ang ating mamamayan para makamit ang pagkakaisa, kapayapaan tungo sa kaunlaran ng bansa.
Panulat ni Patrolman Mark Vincent Valencia
