Bilang paghahanda para sa ligtas, maayos, at mapayapang National and Local Elections 2025, matagumpay na isinagawa ng Police Regional Office Bangsamoro Autonomous Region, katuwang ang Commission on Elections – Bangsamoro Autonomous Region in Muslim Mindanao, ang Regional Security Meeting noong Mayo 2, 2025 sa PRO BAR Lounge, Camp BGen Salipada K. Pendatun, Maguindanao del Norte.
Pinangunahan ang pagpupulong ni Police Brigadier General Romeo Juan Macapaz, Regional Director ng PRO BAR, at ni Atty. Ray F. Sumalipao, Regional Election Director ng COMELEC BARMM.
Dumalo rin sa pagtitipon ang PRO BAR Command Group, mga Regional Staff, at kinatawan mula sa Armed Forces of the Philippines, Philippine Coast Guard, at iba pang partner agencies at tinalakay ang mga mahahalagang aspeto ng paghahanda sa eleksyon gaya ng election readiness, pagtukoy sa mga posibleng isyu, redeployment ng security personnel, at pagpapatupad ng mga COMELEC control measures.
Sa kanyang mensahe, muling tiniyak ni PBGen Macapaz ang buong suporta ng kapulisan upang matiyak ang integridad at kaayusan ng halalan sa Bangsamoro Region. Aniya, “Kami ay lubos na nakikiisa sa COMELEC at sa iba pang security partners upang masiguro ang kaligtasan ng mamamayan at ang integridad ng halalan. Sama-sama nating pangangalagaan ang demokratikong proseso.”
Panulat ni Pat Ma. Señora Agbuya
