Leyte – Matagumpay na naisagawa ng mga kapulisan ng Police Regional Office 8 ang Clean-Up Drive sa kahabaan ng MacArthur Park sa Palo, Leyte nito lamang umaga ng Huwebes, Disyembre 7, 2023.
Ang aktibidad ay pinangunahan ni Police Colonel Dionisio Apas, Chief, RCADD sa ilalim ng pamumuno ni PBGen Reynaldo Pawid, Acting Regional Director kasama ang mga tauhan ng iba’t ibang opisina ng Police Regional Office 8 at kasama ang humigit kumulang tatlong daang miyembro na sumasailalim ng Basic Internal Security Operations Course o BISOC.
Sa kabuuan ay nasa pitong kilometrong layo ang nakuhanan ng samu’t saring basura at tinanggalan ng matataas na damo pati na rin ang nagsisilbing baywalk ng mga bumibisita sa MacArthur Landing Memorial Park.
Ang isinagawang aktibidad ay nagpapakita lamang na ang mga kapulisan ay nangangalaga hindi lamang ng kapakanan ng mga kababayan at ng komunidad kundi pati na rin ang kaligtasan ng kalikasan.
