Personal na inihatid ng mga miyembro ng Police Regional Office 7 ang mga handog na tulong para sa mga biktima ng baha sa Northern Samar, nitong Huwebes, Disyembre 7, 2023.
Sa pangunguna ni PMaj Rey Delos Santos sa ilalim ng pamumuno ni PCol Emilie Santos, Chief Regional Community Affairs and Development Division (RCADD) sa direktang pangangasiwa ni Police Brigadier General Anthony A Aberin, Regional Director, sa pakikipagtulungan ng Regional Police Community Affairs and Development Unit (RPCADU) 7, maayos na naipadala at na turn-over ang 259 food packs, 480 bottled waters, 350 hygiene kits, 13 boxes instant noodles, isang (1) box ng kandila, dalawang (2) boxes ng sardinas, at apat (4) sako ng assorted na mga damit.
Ang mga naturang relief goods ay malugod na tinangggap ni PCpt Emmanuel B Guardiano, Chief of Police ng San Isidro Municipal Police Station sa Port of Maguino-o, Calbayog City, Samar.
Sa naging panayam kay PCpt Guardiano, mariin nitong ipinaabot ang lubos na pasasalamat sa lahat ng hanay ng kapulisan na nagpaabot ng kanilang tulong maging sa ibang grupo at mga stakeholders.
“Ang pamunuan ng Police Regional Office 8 ay nagpapasalamat sa mga tulong galing sa mga PROs at sa mga paparating pang mga tulong. Sa mga kababayan natin na naapektuhan ng pagbaha, wag tayo mawalan ng pag-asa dahil marami sa atin ang nakahandang tumulong,” saad ni PCpt Guardiano.
