Naging mapayapa ang pagdiriwang ng Bagong Taon sa buong rehiyon ng Central Visayas ayon sa ulat ng Police Regional Office 7 nitong Miyerkules, ika-1 ng Enero 2024.
Binigyang-diin ni Police Brigadier General Roy B. Parena, Officer-In-Charge ng Police Regional Office 7, na ang masusing pag-inspeksyon, maiging pagbabantay ng alagad ng batas, at ang matinding paghahanda ng puwersa ng pulisya ay may mahalagang papel sa pagpapanatili ng kaligtasan at kaayusan sa panahon ng pagdiriwang ng Bagong Taon.
Bilang parte ng patuloy na hakbangin ng “Ligtas Paskuhan 2024,” minonitor ng mga awtoridad ang insidente mula ika-31 ng Disyembre 2024, hanggang ika-1 ng Enero 2025 at apat lamang ang naiulat na may kaugnay sa paputok sa panahon ng pagdiriwang. Tatlong magkahiwalay na pinsala ang naiulat sa Barangay Looc, Mandaue City; Babag 2, Lapu-Lapu City; at Balisong, Argao, Cebu at isang casualty sa Asturias, Cebu.
Dagdag pa dito, may naitala rin na tatlong insidente na kinasasangkutan ng iligal na pagbebenta at paggamit ng mga ipinagbabawal na paputok at pyrotechnic device sa Danao City at Lapu-Lapu City noong Disyembre 31, 2024.
“The New Year celebrations in Central Visayas were peaceful, largely due to the strategies implemented by PRO 7, along with local support. These actions included thorough inspections and the distribution of safety guidelines to the public, which helped maintain peace in the region,” ani PBGen Parena.
Source: PRO7
