Pasok bilang 4th Place ang pambato ng Police Regional Office 5 na si Patrolman Paele John Curaming sa Top 10 Finalist ng Singing Cops of the Philippines 2024.
Ang Singing Cops of the Philippines 2024 ng Philippine National Police ay naisakatuparan sa tulong ng Officers Ladies Club Foundation Inc. ay isang kompetisyon na nagtampok sa mga talentadong pulis sa larangan ng pag-awit mula sa iba’t ibang rehiyon sa Pilipinas.
Layunin nitong ipakita ang kanilang galing sa pag-awit at ang kanilang dedikasyon sa tungkulin bilang isang alagad ng batas, kundi pati na rin ang kanilang malasakit at pagtulong sa mga nangangailangan, lalo na sa kanilang mga kasamahan sa serbisyo na nakikipaglaban sa sakit na cancer.
Ang Police Regional Office 5 ay ipinagmamalaking irerepresenta ni Patrolman Paele John “PJ” Curaming mula sa Regional Mobile Force Battalion 5 sa darating na Grand Finals, kaya naman ating abangan at patuloy na suportahan ang mga Finalist sa nalalapit na Grand Finals ng Singing Cops of the Philippines 2024, sa September 27, 2024 na gaganapin sa Music Museum, San Juan City, Metro Manila.
Panulat ni Pat Carmela Bianca Panganiban
