Pampanga – Pormal nang inilunsad ang Simultaneous Grand Launching of PNP Help and Food Bank na kung saan nakiisa ang mga tauhan ng Police Regional Office 3 na ginanap sa Camp Captain Julian Olivas City of San Fernando, Pampanga nito lamang Sabado, ika-22 ng Hulyo 2023.
Ang naturang pakikiisa ay pinamunuan ni Police Brigadier General Enrico Vargas, Deputy Regional Director for Administration bilang kinatawan ni Police Brigadier General Jose Santiago Hidalgo Jr. Regional Director ng Police Regional Office 3.
Kaya naman ipinagmalaki ng Police Regional Office 3 ang mga iprinesentang tulong at nakalap na mga dry and perishable goods mula sa kanilang mga stakeholders na kung saan binasbasan ang mga ito.
Kasabay nito, ginawaran ng Regional Command Group ang mga Stakeholders at Lingkod Bayan Advocacy Support Group and Force Multipliers na nagdonate ng tulong mula sa iba’t ibang probinsya ng Rehiyon Tres.
Ang PNP Help and Food Bank Program ay naglalayong matulungan ang ating mga kababayan na lubos na nangangailangan at magagamit sa mga aktibidad at programa ng PNP sa pagpapaabot ng tulong sa ating mga kababayan na mas nangangailangan.
Patunay lamang na tuloy-tuloy ang iba’t ibang programa ng Pambansang Pulisya na maghahatid ng serbisyo sa ating mamamayan para sa ligtas at maunlad na pamayanan.
Panulat ni PCpl Jeselle V Rivera
