Tuguegarao City – Pormal na idineklara ang Police Regional Office 2 sa pamumuno ni Police Brigadier General Steve B Ludan, Regional Director, bilang drug-free workplace ng Philippine Drug Enforcement Agency Regional Office 2 sa Regional Headquarters, Camp Marcelo A Adduru, Tuguegarao City, Cagayan nitong ika-11 ng Hulyo taong kasalukuyan.
Panauhing pandangal sa programa si Director III Joel B Plaza, Regional Director, PDEA RO2, na malugod na sinalubong ni Police Brigadier General Romaldo G Bayting, PRO2 Deputy Regional Director for Administration at Police Colonel Mariano C Rodriguez, Chief, Regional Staff kasama ang mga miyembro ng Valley Cops.
Ayon kay Director Plaza, ang pagkakaroon ng drug-free workplace ay repleksyon ng kahusayan, pagiging epektibo at integridad ng organisasyon at mga tauhan ng ahensya sa kabuuan tungo sa paglaban sa umiiral na problema sa ilegal na droga sa lipunan.
Dagdag pa rito, nagpahayag din ng pasasalamat si Director Plaza sa PRO2 sa walang humpay na pagsisikap at walang patid na suporta sa kampanya ng ahensya laban sa ilegal na droga lalo na sa pangunahing adbokasiya nito na “Barangay Drug-Clearing Program”.
Samantala, ipinaabot din ni PBGen. Bayting ang mensahe ni PBGen. Ludan, na ang paglilinis sa komunidad laban sa ilegal na droga ay nagsisimula sa loob ng tahanan.
Ipinahayag din na ang dapat unahing linisin ay ang tahanan o lugar ng trabaho bago ang buong lipunan.
Iginawad din ang Letter of Commendation sa PRO2 para sa pagtatatag at pag-institutionalize ng isang drug free- workplace.
Tinatayang nasa 94.85% na ng barangay sa buong Rehiyon Dos ang idineklarang barangay drug-cleared batay sa datos ng PDEA RO2.
Dumalo rin sa makabuluhang aktibidad ang mga uniformed at non-uniformed personnel ng PRO2 Regional Headquarters kabilang na si Police Colonel Mario P Malana, Hepe, Regional Community Affairs and Development Division at iba pang miyembro ng Regional Staff.
Source: RPIO 2
###
Panulat ni Police Corporal Carla Mae P Canapi
