Nakiisa ang Police Regional Office 2 sa PNP-Wide Annual Inspection of Disaster Response Equipment bilang hakbang sa kanilang malawakang paghahanda upang matiyak ang kahandaan ng Police Regional Office 2 (PRO 2) sa pagharap sa mga posibleng sakuna kaugnay ng inaasahang pagsisimula ng panahon ng tag-ulan sa susunod na buwan na ginanap sa PRO 2 Grandstand Camp Marcelo Adduru, Tuguegarao City, Cagayan nito lamang ika-21 ng Mayo, 2025.
Ang aktibidad ay pinangunahan ni Police Brigadier General Antonio P Marallag, Jr., Regional Director ng Police Regional Office 2 na dinaluhan ng mga tauhan ng Valley Cops.
Ayon kay PBGen Marallag, patuloy ang pagsisikap ng Valley Cops na tiyakin ang mabilis, organisado, at epektibong pagtugon sa panahon ng sakuna upang maiwasan ang pagkasawi at pinsala sa ari-arian, lalo na sa mga bayan at siyudad sa Lambak ng Cagayan na madalas tamaan ng pagbaha at pagguho ng lupa.
Nagsagawa rin ang PRO 2 ng mga simulation exercises, refresher course, at search and rescue training sa mga kapulisan katuwang ang Bureau of Fire Protection at Philippine Coast Guard para sa mas epektibong disaster response.
Layunin ng aktibidad na ito na suriin ang kahandaan, kondisyon, at pagiging epektibo ng mga kagamitan ng kapulisan sa pagtugon sa mga sakuna tulad ng pagbaha, landslide, at iba pang natural na kalamidad.
Source: PRO 2
Panulat ni PCpl Kelvin Paul Juan
