General Santos City – Ginunita ng mga miyembro ng Police Regional Office 12 ang National Flag Day nito lamang Linggo, Mayo 28, 2023.
Ito ay pinangunahan ni Police Brigadier General Jimili Macaraeg, Regional Director ng Police Regional Office 12, bandang 8:00 ng umaga nang isinagawa ang isang simpleng seremonya sa PRO12, Admin Building, Tambler, General Santos City kung saan nagtipon tipon ang mga tauhan ng PRO 12 kasama ang iba pang Regional Support Units.
Kabilang sa programa ang pag-aalay ng dasal at panunumpa ng katapatan sa watawat ng Pilipinas.
Ipinagdiriwang ang National Flag Day bilang simbolo ng ating kalayaan at pagbibigay-pugay sa mga naging sakripisyo ng ating mga bayani na nagbuwis at inalay ang kanilang sariling buhay para sa ating kasarinlan.
Ipinagdiriwang ang National Flag Day sa loob ng dalawang linggo mula ngayong araw hanggang sa pagdiriwang ng Araw ng Kalayaan sa Hunyo 12.
Panulat ni Patrolman Khnerwin Jay A Medelin/RPCADU12
