General Santos City – Kasabay sa isinagawang Closing Ceremony ng PNP BISOC Batch R12-2023 NAALIBTAK-006-00, binigyang parangal ni Police Brigadier General Jimili Macaraeg, Regional Director ng Police Regional Office 12, ang ginawang pagpapasuko sa limang miyembro ng Communist Terrorist Group (CTG) nito lamang ika-2 ng Hunyo 2023.
Kinilala ni PBGen Macaraeg, ang mga sumukong CTG members na sina alyas “Berting”, 50; alyas “Montong”, 51; alyas “Joy”, 21; alyas “ Blis”, 24; at si alyas “Bungo”, 25, pawang residente ng Brgy Danlag, Tampakan, South Cotabato.
Napag-alaman na mga dating miyembro ng komunistang grupo mula sa Guerilla Front 72 ALIP, Far South, Mindanao Region (FSMR).
Matagumpay na napasuko ang mga Former Rebels (FR) dahil sa isinagawang 5-days Community Immersion Program ng nasabing batch ng BISOC.
Naghatid ang naturang BISOC trainees ng iba’t ibang serbisyo sa mga residente ng Sitio Kule, Brgy. Salacafe, T’boli, South Cotabato, gaya ng feeding program, libreng gupit, relief goods, at pagbibigay kaalaman patungkol sa mga nakalaang programa ng gobyerno sa ating mga kapatid na napaanib at nalinlang ng komunistang grupo.
Nakatanggap ng tulong pangkabuhayan ang limang former rebels mula sa mga awtoridad habang inihahanda ang mga kaukulang dokumento para sa Enhanced Comprehensive Local Integration Program o E-CLIP.
“I commend the newly graduates of the Basic Internal Security Operation Course for their outstanding efforts and commendable commitment to public service. Their success in fostering community trust and facilitating the surrender of CTG members reinforces the importance of collaboration between security forces and the community in combating terrorism,” ani PBGen Macaraeg.
Source: Police Regional Office 12 – Public Information Office
Panulat ni Patrolman Khnerwin Jay A Medelin
