Siargao Island (December 22, 2021) – Madaling araw palang ng Disyembre 22, 2021 ay sinimulan na ng PRO 11 Task Force Relief Operations Team ang pagkakarga ng mga relief goods sa bangkang maglalayag patungong Siargao Island dala ang mga tulong para sa mga apektadong residente ng lugar.
Bandang alas 5:00 ng hapon ng makarating ang team sa sentro ng Siargao Island partikular na sa Dapa port kung saan inabot ng gabi ang paghahakot ng mga donasyon na itinurn-over sa mismong DSWD ng probinsiya na siya namang ipapamahagi nila sa mga lubos na sinalantang lugar.
Matapos nito, nagsimula namang mamahagi ang PRO 11 bandang 7:30 PM ng mga food packs sa 8 Municipal Police Station sa Isla ng Siargao kabilang na ang Dapa MPS, San Isidro MPS, General Luna MPS, Sta. Monica MPS, San Benito MPS, Pilar MPS, Burgos MPS, at Del Carmen MPS para sa mga apektado nating kasamahan na natapos ng madaling araw.
#####
Panulat ni: Police Corporal Mary Metche A Moraera
Salamat sa mga Kapulisan