Misamis Oriental – Patuloy ang pagbibigay ng saya at pag-asa ng Police Regional Office 10 sa isinagawang Community Outreach Program para sa mga residente ng Brgy. Kalitian, Kinoguitan, Misamis Oriental nito lamang Disyembre 5, 2023.
Ito ay sa pangunguna ni Police Colonel Martin Gamba, Chief, Regional Staff ng Police Regional Office 10 katuwang sina Police Captain Eujene Zambrano, Officer-In-Charge ng Kinoguitan Municipal Police Station; Hon Josefina Tacud, Punong Barangay ng Kalitian; Hon Danilo Lagbas Jr, Alkalde ng Bayan ng Kinoguitan; 1Lt Clark Miller Y Udan, Commander Officer ng Charlie Coy 58 Infantry Battalion, Philippine Army at si Police Colonel Cholijun P Caduyac, Provincial Director ng Misamis Oriental Police Provincial Office.
Kasama din sa naturang aktibidad ang National Intelligence Coordinating Agency na nagbigay ng lecture patungkol sa CTG`s Atrocities at TESDA na nagsagawa naman ng pagtuturo ng tamang pagluluto at pagtatanim.
Pormal din nagkaroon ng turn-over ng mga solar lights ng Revitalized-Pulis sa Barangay na magagamit sa covered court ng nasabing barangay.
Nasa 200 na benepisyaryo na residente ng nasabing barangay ang nabigyan ng maagang pamasko tulad ng libreng tsinelas, libreng foodpacks, school supplies medikal at dental check-up, feeding program, libreng gupit, at mobile library na hatid ng 1st Provincial Mobile Force Company.
Ang Police Regional Office 10 ay may layuning handugan ang ating mga kababayan ng tulong kahit sa mga liblib na lugar na may kasamang serbisyong may puso para magbigay ng ngiti at pag-asa sa komunidad.
