La Union – Nagsagawa ng Oplan Bisita Eskwela I am Strong (B.E.S.) ang pamunuan ng Police Regional Office 1 na pinamumunuan ni Police Brigadier General John Chua, Regional Director, sa paaralan ng San Fernando City National Vocational School sa Brgy. Tanqui, San Fernando City, La Union, nito lamang ika-13 ng Oktubre 2023.
Ang nasabing aktibidad ay dinaluhan din ng mga tauhan ng Regional Police Community Affairs and Development Unit 1 sa ilalim ng direktang pangangasiwa ni Police Lieutenant Colonel Dexter Paredes, Acting Chief at mga tauhan ng Regional Anti-Cybercrime Unit 1 at San Fernando City Police Station.
Ibinahagi sa mga mag-aaral ang tungkol sa Buhay Ingatan Droga’y Ayawan (B.I.D.A.), Kabataan Kontra Droga At Terorismo (K.K.D.A.T.), Career Guidance, Anti-Rape Law, at Anti-Cybercrime Law na kaugnay ng 27 Day BIDA sa Social Media Campaign ng PNP.
Gayundin, hinikayat ang mga mag-aaral ng nasabing paaralan na gamitin sa kani-kanilang social media profile ang frame na “BIDA AKO” bilang pagpapakita ng suporta nila sa nasabing kampanya.
May kabuuang 100 estudyante ang nakinabang sa nasabing aktibidad na nakatanggap din ng hygiene kits at libreng gupit mula sa kapulisan.
Source: Regional Police Community Affairs Development Unit 1
Panulat ni PSSg Robert Basan Abella Jr
