Sultan Kudarat – Patay ang tinuturing na primary suspek sa pang-aambush sa dating Hepe ng Ampatuan MPS na si PLt Reynaldo Samson sa isang PNP-AFP joint operation sa Purok Yellow Bell, Brgy New Isabela Tacurong City nito lamang umaga ng Sabado, Pebrero 18, 2023.
Kinilala ni Police Lieutenant Colonel Bryan Bernardino, Hepe ng Tacurong City Police Station, ang nasawing mga suspek na sina alyas “Kumander Jacket o Boy Jacket”, Kumander ng Bangsamoro Islamic Freedom Fighters – Karialan Faction (BIFF-KF) at ang kasamahan nitong si alyas “Makmud” na miyembro rin ng BIFF-KF.
Ayon kay PLtCol Bernardino, bandang alas ng 6:30 ng umaga ng isinagawa ng mga awtoridad ang naturang operasyon para hulihin si Kumander Jacket sa bisa ng Warrant of Arrest sa kasong Murder at Multiple Frustrated Murder.
Subalit nanlaban at nakipagbarilan ito sa mga awtoridad na siyang dahilan sa pagkamatay ng dalawang suspek.
Dagdag pa ni PLtCol Bernardino, maliban pa sa kinasasangkutan nitong pang-aambush sa hepe ng Ampatuan MPS noong Agusto 30, 2022 na si PLt Samson sa Brgy Kapinpilan, Ampatuan, kumpirmadong sangkot din ito at ang kanyang grupo sa iba’t ibang uri ng kriminalidad at panghaharass sa probinsya ng Maguindanao at Sultan Kudarat.
Gaya ng panghaharas nito sa Brgy. Labu Labu 2, Datu Hoffer, Maguindanao del Sur na nagresulta sa pagkasugat ng dalawang sundalo na sina Sgt Estanda at PFC Salarda noong Nobyembre 25, 2022.
Maging sa panghaharass kay Goco PB sa Brgy. Labu Labu 2, Datu Hoffer, Maguindanao del Sur noong Disyembre 25, 2022.
Giit naman ni PLtCol Bernardino na patuloy pa ring nakaalerto ang Sultan Kudarat PNP at Maguindanao PNP para hulihin rin ang dalawang nakatakas na kasamahan ni Kumander Jacket.
Source: Tacurongcps PNP
Panulat ni Patrolman Khnerwin Jay A Medelin
