Camp Crame, Quezon City – Nagsagawa ng Press Briefing Update kaugnay sa kasalukuyang National and Local Elections 2022 na pinangunahan ni Police Lieutenant General Vicente Danao, Jr., Office-in-Charge, Philippine National Police sa ganap na 8:30 ng gabi ng Lunes, ika-9 ng Mayo 2022.
Ayon sa mensahe ni PLtGen Danao Jr., ang halalan ngayong 2022 ay higit na mas mapayapa kumpara sa 2019 at 2016 National and Local Elections kung saan nagtala lamang ng 16 na election-related incidents. Samantala, 133 election-related incidents noong 2016 at 60 naman noong 2019.
Sinigurado naman ni PLtGen Danao, Jr. na mananatili ang PNP, AFP and PCG security forces hangga’t nasa presinto pa ang representatives mula sa DepEd at Comelec sa kani-kanilang lugar at mananatiling alerto sa kanilang polling precincts hanggang makabalik ang lahat sa national headquarters.
Sa isa namang katanungan kaugnay sa guro na pinatay sa pamamaril, patuloy pa rin ang isinasagawang imbestigasyon upang tukuyin ang motibo ng pagpatay.
Bumuo na ng Special Investigation Task Group sa utos ni PLtGen Danao, Jr. upang magsagawa ng mabusising imbestigasyon ukol sa pamamaril na ikinasawi ng tatlong katao sa Lanao del Sur.
Tiniyak naman niya na agarang nakontrol ng security forces ang kaguluhan at natuloy pa rin ang botohan.
Sa isa pang mensahe ni OIC, PNP, nakahanda ang buong PNP sa mga posibleng post-election violence katuwang ang iba pang law enforcement agencies na handa ano mang oras.
Hinimok ni PLtGen Vicente Danao, Jr. ang lahat ng kapulisan na maging alerto hanggang sa huling oras ng election process.
Dagdag pa ni OIC, PNP, ang Philippine National Police ay mananatili at handang balagkasin ang kahit anumang insidente na maaaring maganap sa hinaharap.
###
