Isinagawa ang Press Briefing ukol sa paghahanda sa Seguridad para sa 2025 National and Local Elections (NLE) na pinangasiwaan ng Western Mindanao Command of the Armed Forces of the Philippine sa PRO BAR Lounge, Camp BGen Salipada K. Pendatun, Parang, Maguindanao del Norte nito lamang ika-9 ng Mayo 2025.
Ang naturang aktibidad ang naging inisyatibo ni Lieutenant General Antonio G Nafarette, PA, Commander ng AFP Western Mindanao Command, kasama sina Police Brigadier General Romeo J Macapaz, Regional Director PRO BAR; Police Major General Romaldo G Bayting, Deputy Commander ng Area Police Command – Western Mindanao; PBGen Romeo A Espero; at mga kinatawan mula sa Joint Task Force at Commission on Elections (COMELEC).
Samantala, binigyang-diin ni RD Macapaz, ang kahandaan ng PRO BAR upang matiyak ang ligtas at mapayapang halalan sa rehiyon ng Bangsamoro.
Ang inisyatibong ito ay buong-suportang nakaangkla sa mga direktiba ni Pangulong Ferdinand R. Marcos Jr. at Chief, Philippine National Police, Police General Rommel Francisco D. Marbil, upang matiyak ang isang ligtas, tapat, at malayang halalan sa buong bansa.
Panulat ni Pat Veronica Laggui
