Alertong nagsagawa ng monitoring ang mga tauhan ng President Roxas Municipal Police Station sa mga ilog at lugar na posibleng magkaroon ng baha at landslide na dulot ng Bagyong Kristine sa iba’t ibang parte ng President Roxas, Cotabato nito lamang ika-22 ng Oktubre 2024.
Pinangunahan ni Police Executive Master Sergeant May Jean E Marañon, MESPO ang pagsasagawa ng monitoring sa pangangasiwa ni Police Major Jose Ryan B Feranil, Officer-In-Charge ng President Roxas MPS.
Layunin nito na agarang malaman ang posibleng pagtaas ng tubig sa mga ilog na magresulta ng pagbaha sa mga mababang lugar.
Isinagawa ito upang mapayuhan ang mga residente na mag-ingat at maging alerto sa mga panganib dulot ng masamang panahon.
Ang kooperasyon ng bawat isa ay mahalaga upang mapanatili ang kaligtasan ng komunidad. Ang monitoring ay patuloy na isinasagawa upang matukoy ang posibilidad ng pagbaha o landslide.
