Nagsagawa ng preemptive evacuation ang mga tauhan ng La Castellana Municipal Police Station sa mga residente ng Mt. Kanlaon na nasa loob ng 4-6 kilometrong danger zone sa Barangay Masulog, La Castellana, Negros Occidental nito lamang Setyembre 14, 2024.
Ito ay ang ikalawang operasyon ng La Castellana Municipal Police Station sa pangunguna ni Police Major Rhojn Darell H Nigos, sa paglikas sa mga residente dahil sa posibleng panganib ng bulkang Kanlaon upang tiyakin ang kaligtasan ng bawat pamilya.
Ang operasyong ito ay naisakatuparan sa patuloy na pakikipag-ugnayan sa iba pang ahensya ng gobyerno upang masiguro ang mabilis at epektibong paglilikas ng mga mamamayan.
Ang pambansang pulisya ay patuloy na nagbabantay at nagbibigay ng kinakailangang suporta sa mga apektadong residente, sinisiguro na ang bawat isa ay nasa ligtas at nasa maayos na kalagayan.
Source: La Castellana MPS
Panulat ni Pat Justine Mae Jallores
