Sarangani Province – Malugod na tinanggap ng mga kawani ng gobyerno ang boluntrayong pagsuko ng isang miyembro ng Communist Terrorist Group (CTG) mula sa MUSA Guerilla Front 73, Far South Mindanao Region (FSMR) nito lamang ika-23 ng Abril 2023.
Kinilala ni Police Major Rolan Catoburan, Acting Chief of Police ng Malapatan Municipal Police Station, ang sumuko na si alyas “Cel”, dating Field Legal Officer (FLO) at Political Guide (PG) / Giya Pampolitica (GP) ng team “C” Platoon MUSA GF73, FSMR at dati ring nagsilbing courier ng Militia ng Bayan (MB) ng GF TALA sa Malapatan, Sarangani Province.
Bilang pagpapakatotoo sa pagbabalik-loob nito sa gobyerno, kanyang isinuko ang isang unit ng Caliber .45 pistol na may kasamang magazine.
Ang matagumpay na pagsuko ay resulta ng patuloy na negosasyon ng kanyang mga dating kasamahan na sumuko at sa tulong ng kanyang pamilya katuwang ang pulisya at kasundaluhan.
Hinahanda naman ng mga awtoridad ang mga benepisyong makukuha ng Former Rebel sa ilalim ng Enhanced Comprehensive Local Integration Program o E-CLIP.
Kaugnay nito, patuloy pa ring hinihikayat ng awtoridad ang mga natitira pang tagasuporta at miyembro ng CTGs na sumuko para magkaroon ng maayos na buhay sa piling ng kanilang pamilya at minamahal.
Panulat ni Patrolman Khnerwin Jay Medelin/RPCADU12
