Mas pinaigting ng mga tauhan ng Baguio Police Station ang Police Visibility sa ginanap na Boy Scout of the Philippines Council Kid and Kabsayahan nito lamang Oktubre 20, 2024 sa BSP Camp sa Purok 2, Barangay Malagos, Baguio District, Davao City.
Ito ay sinuportahan din ni Police Major Lisandro G Bernardo, Acting Station Commander ng naturang estasyon.
Ito ay isang mahalagang bahagi ng programa ng Boy Scouts of the Philippines na naglalayong bigyang-diin ang kahalagahan ng pagkakaibigan, teamwork, at pag-unlad ng mga kabataan sa komunidad.
Ang presensya ng mga pulis ay nagbigay ng seguridad at katiwasayan sa mga kalahok, na nagpalakas ng tiwala ng komunidad sa mga alagad ng batas.
Ang inisyatibong ito ay hindi lamang nagbigay-diin sa kahalagahan ng pagkakaroon ng ligtas na kapaligiran para sa mga bata, kundi pati na rin sa papel ng mga pulis sa pagbuo ng mas magandang relasyon sa komunidad.
