Arestado ang dalawang indibidwal sa agarang pagresponde ng mga otoridad sa Purok 48, Sitio Malamboon, Barangay Malagog, Davao City nito lamang Oktubre 13, 2024.
Kinilala ni Police Major Janus Lumbaya B Macli-ing, Station Commander ng Paquibato Police Station, ang mga suspek na sila alyas “Joblin”, 31 anyos at alyas “Lex”, 34 anyos na parehong magsasaka.
Narekober mula sa mga suspek ang isang yunit ng 9mm caliber pistol kasabay ang isang magazine na may limang live ammunition at isang fired cartridge.
Mahaharap sa kasong paglabag sa Republic Act 10591 o “Comprehensive Firearms and Ammunition Regulation Act” at Alarms and Scandal.
Samantala, ang Police Regional Office 11 ay patuloy na nagsagawa ng mga operasyon kontra kriminalidad at ilegal na droga. Ang mga pagsisikap na ito ay mahalaga hindi lamang sa pagresolba ng mga krimen kundi sa pagtataguyod ng isang mas mapayapang lipunan na magpapalakas sa pundasyon ng pag-unlad ng bansa.
Panulat ni Patrolwoman Shairra Rose A Aquino
