Cebu City – Nakiisa ang mga tauhan ng Police Regional Office 7 sa 3rd Quarter Nationwide Simultaneous Earthquake Drill sa pangunguna ni Police Colonel Alladin Collado, Regional Chief of Staff na ginanap sa Camp Sergio Osmeña, Sr., Osmeña Blvd., Cebu City nito lamang umaga ng Huwebes, ika-11 ng Agosto, 2022.
Kasama na nakiisa sa naturang aktibidad ang mga tauhan ng PNP National Support Units na nakatalaga sa PRO 7, mga kawani ng Office of Civil Defense (OCD), mga miyembro ng Barangay Peacekeeping Action Teams (BPATs), Kabataan Kontra Droga at Terorismo (KKDAT) at mga Force Multiplier.
Kabilang sa mga naging kaganapan sa naturang aktibidad ay ang pagsasagawa ng Simulation Exercise (SIMEX) upang masukat ang kahandaan ng mga tauhan ng Police Regional Office 7 sa pagsasagawa ng Search and Rescue, First Aid at iba pa, na kinakailangan sa panahon ng natural na sakuna na maaaring kaharapin ng rehiyon.
Layunin ng aktibidad na palawigin ang kaalaman ng mga kawani ng Pambansang Pulisya at mamamayan na ang ganitong uri ng simulation exercise ay makakatulong sa lahat kung paano maging ligtas, alerto at kayang tumugon kapag ang natural na kalamidad tulad ng lindol ay mangyari sa hindi inaasahang oras.
###
Panulat ni Patrolman Aivan M Guisadio
