Camp BGen Rafael T. Crame, Quezon City – Opisyal na pinarangalan ang Police Regional Office 5 (PRO5) bilang Best Police Regional Office sa buong bansa kasabay ng pagdaraos ng ika-121st Police Service Anniversary (PSA) ngayong araw, Agosto 8, 2022 na ginanap sa Multi-Purpose Center, Camp BGen Rafael T. Crame, Quezon City.
Personal na tinanggap ng pamunuan ng Police Regional Office 5 ang parangal sa ilalim ng kasalukuyang Regional Director na si Police Brigadier General Mario A. Reyes ang nasabing parangal mula mismo kay President Ferdinand R. Marcos Jr., bilang panauhing pandangal sa pagdiriwang ng ika-121st Police Service Anniversary na may temang, “Matibay na Ugnayan ng Pulisya at Mamamayan, Tungo sa Pagkakaisa, Kapayapaan at Kaunlaran”.
Ang pagkakapili sa PRO5 bilang Best Police Regional Office sa 17 Police Regional Office sa buong bansa ay dahil na rin sa kanilang mga katangi- tanging gawa sa administrative at operational accomplishments na nakapagbigay ng mga mahahalaga at epektibong paraan upang maging matibay ang ugnayan ng PNP at Komunidad tungo sa mapayapa, maunlad at tahimik na pamayanan.
“This accomplishment is the fruit of our labors and solidarity in fulfilling our one great mission-to serve and protect. We also share this feat to the community, our stakeholders and partner agencies for their active participation in creating a safer and more peaceful place for our people”, ani PBGen Mario A. Reyes, RD, PRO5.
###
Panulat ni Patrolman Rodel Grecia
