Cagayan de Oro City- Nakiisa ang mga tauhan ng Police Regional Office 10 (PRO 10) sa pagdiriwang ng ika-125th Araw ng Kalayaan na may temang “Kalayaan, Kinabukasan, Kalayaan” na ginanap sa Camp Vicente Alagar, Lapasan, Cagayan de Oro City nito lamang Lunes, Hunyo 12, 2023.
Sabay sabay sumaludo ang mga Police Regional Office 10 habang tinataas ang watawat ng Pilipinas sa pangunguna ni Police Brigadier General Lawrence Coop, Regional Director ng Police Regional Office 10 kasama ang Command Group.
Samantala, bilang simbolo ng Kalayaan ay nagpalipad ng mga kalapati pagkatapos awitin ang “Pilipinas Kong Mahal” at pagwagayway ng watawat ng Pilipinas ng mga opisyal at tauhan ng Police Regional Office 10.
Ang araw ng Kalayaan ay isa sa mga taunang pagdiriwang sa Pilipinas na ginanap tuwing Hunyo 12 bilang pag-alala ng pamamahayag ng Kalayaan ng Pilipinas mula sa Espanya noong Hunyo 12, 1898 at isa itong Pambansang Araw ng Pagdiriwang sa Pilipinas.
Panulat ni Patrolman Edwin Baris/RPCADU10
