Cagayan De Oro City – Nakiisa ang Police Regional Office 10 sa pagpupugay sa kagitingan ng ating mga elite troopers na SAF 44 na ginanap sa Camp Vicente Alagar, Brgy. Lapasan, Cagayan de Oro CIty nito lamang ika-25 ng Enero 2024.
Pinangunahan ni Police Brigadier General Ricardo Layug Jr, Regional Director ng PRO 10, at dinaluhan din ng Panauhing Pandangal at Tagapagsalita na si Police Major General Ronald Oliver Lee, Director ng Human Resource and Doctrine Development.
Ito ay taon-taong ginugunita upang alalahanin ang katapangan at kabayanihan ng Gallant SAF 44 sa pag-aalay ng kanilang buhay habang isinasagawa ang kanilang misyon siyam na taon na ang nakakaraan sa Mamasapano, Maguindanao.
Kasama rin sa mga dumalo ang pamilya at mga mahal sa buhay ng mga yumaong pulis na si Police Corporal Chum Agabon, PCpl Godofredo B Cabanlet at PCpl Romeo Senin II.
Ang seremonya ay isinagawa bilang parangal sa kabayanihan at katapangan ng nasawing 44 na elite Commandos ng PNP Special Action Force na namatay sa Mamasapano-Maguindanao Police Operations upang i-neutralize ang Malaysian terrorist na kilala bilang Si “Marwan” at iba pang matataas na miyembro ng BIFF.
Nagsagawa ng Wreath Laying Ceremony at 21 Gun Salute na iginawad din bilang pagpupugay sa mga namatay na bayani gayundin sa mga pulis na nasawi sa Police Operations na walang pag-aalinlangang binuwis ang buhay para sa bayan.
Panulat ni Patrolwoman Jovelyn J Dodoso
