Bukidnon – Nagsagawa ang Police Regional Office 10 ng community outreach program sa Brgy. San Rafael, Talakag, Bukidnon nito lamang ika-8 ng Setyembre 2023.
Pinangunahan ito ni Police Colonel Reynante Reyes, Chief, Regional Community Affairs and Development Division 10 kasama ang mga miyembro ng Talakag Municipal Police Station, Regional Medical and Dental Unit 10, PCADG Northern Mindanao, stakeholders, force multipliers at Local Government Unit ng nasabing lugar.
Isinagawa ang pamimigay ng food packs, limang kilong bigas, packed lunch, at tsinelas.
Nagkaroon din ng libreng medical check-up at pamimigay ng libreng gamot hatid ng RMDU 10 at Department of Health 10.
Hindi titigil ang Police Regional Office 10 sa ilalim ng pamumuno ni Police Brigadier General Lawrence Coop, Regional Director ng Police Regional Office 10, sa paghahatid ng serbisyo sa mamamayan na lubos na nangangailangan.
