Cagayan de Oro City – Matagumpay na naisagawa ang Community Outreach Program ng mga tauhan ng Police Regional Office 10 sa Besigan Elementary School, Besigan, Cagayan de Oro City nito lamang ika-14 ng Hunyo 2023.
Pinangunahan ni Police Brigadier General Lawrence Coop, Regional Director ng Police Regional Office 10, kasama sina Police Colonel Aaron Mandia, City Director ng Cagayan de Oro City Police Office; Police Colonel Elias Hampac, Chief, Regional Chief Community Affairs and Development Division 10; at Police Colonel Michelle Arban, Chief, Regional Medical and Dental Unit 10.
Ilan sa mga serbisyong ipinagkaloob ang pamimigay ng food packs, pack lunch, tsinelas, libreng gupit at mobile library.
Nagkaroon din ng libreng medical at dental check-up na hatid ng RMDU 10.
Sa huling yugto ng programa ay nagkaroon ng Turn-Over ng dalawang Community Water Tub handog ng Revitalized Pulis sa Barangay na bahagi ng Quick Impact Project.
Naging matagumpay ang aktibidad sa tulong ng Advocacy Support Groups, Force Multipliers, Local Government Unit ng Cagayan de Oro City, Office of the President, Life Coaches, Guro, at iba’t ibang personahe ng Cagayan de Oro City.
Layunin ng aktibidad na maipakita ang tunay na malasakit ng buong hanay ng Police Regional Office 10 upang mas lalo pang pagtibayin ang relasyon nito sa ating komunidad tungo sa mas maayos at maunlad na komunidad.
Panulat Patrolman Edwin Baris/RPCADU10
