La Union – Nakiisa ang kapulisan mula sa Police Regional Office 1 sa Pambansang araw ng paggunita o pag-alala sa kabayanihang sakripisyo ng SAF 44 nito lamang ika-25 ng Enero 2023.
Pinangunahan ni Police Brigadier General John C Chua, Regional Director ng PRO1 at dinaluhan din ng panauhing pandangal na si Police Major General Valeriano T De Leon na Director ng Directorate for Information and Communication Technology Management.
Kasama rin sa mga dumalo ay ang kapatid ng yumaong si PO2 Omar Nacionales na si PCpl Ezar Nacionales at asawa ng yumaong si PO2 Emphraim Mejia na si NUP Miya Mejia.
Matatandaang ang SAF 44 commandos ay namatay sa engkwentro mula sa mga rebeldeng muslim at private armed groups sa Mamasapano sa Maguindanao pagkatapos nyutralisahin ang Malaysian terrorist na si Zulkifli Bin Hir alyas Marwan noong ika-25 ng Enero 2015.
Ang kapulisan ay handa para sa inyong kaligtasan at ialay ang buhay para sa sinumpaang tungkulin.
Source: Police Regional Office 1
Panulat ni PSSg Marvin Jake Romero
