San Fernando City, La Union – Nakiisa ang Police Regional Office 1 (PRO1) sa pagdiriwang ng ika-124th Araw ng Kalayaan na may temang “Pagsuong sa Hamon ng Panibagong Bukas” na ginanap sa Camp Brigadier General Oscar M Florendo, San Fernando City, La Union nito lamang Hunyo 12, 2022.
Ang naturang programa ay pinangunahan ni Police Brigadier General Westrimundo Obinque, Regional Director, kasama si Police Colonel Dwight Monato, Force Commander, Regional Mobile Force Battalion 1.
Ayon kay PBGen Obinque, ang mga kapulisan ng PRO1 ay nagbigay ng kanilang pinakamatikas na pagpupugay sa watawat na sumisimbolo sa paglilingkod at sakripisyo ng mga bayani ng ating bansa na lumaban para sa kalayaang tinatamasa natin ngayon.
Sa kanyang mensahe, hinikayat nito ang lahat ng kapulisan ng PRO1 na kayang-kayang lampasan ang lahat basta lang nagkakaisa ang lahat upang makamit ang kapayapaan at kaayusan sa bansa at maghandog ng higit pang makabuluhan, matapat at masigasig na paglilingkod sa mamamayan.
Ayon pa kay PBGen Obinque, ang Watawat ng Pilipinas ay magsisilbing simbolo ng pagkakaisa ng lahat bilang isang bansa at habang patuloy na nagwawagi sa laban sa COVID-19 pandemic, ilegal na droga, krimen, katiwalian, kahirapan at terorismo.
Ang Araw ng Kalayaan ay isa sa mga taunang pagdiriwang sa Pilipinas na ginaganap tuwing Hunyo 12 bilang pag-alala ng Pamamahayag ng Kalayaan ng Pilipinas mula sa Espanya noong Hunyo 12, 1898 at isa itong Pambansang Araw ng pagdiriwang sa Pilipinas.
Samantala, bilang simbolo ng kalayaan nagpalipad ng mga kalapati kasabay ng pag-awit ng “Pilipinas Kong Mahal” at pagwagayway ng watawat ng Pilipinas ng mga opisyal at tauhan ng PRO1.
Source: PRO1
###
Panulat ni PSSg Lhenee B Valerio
