General Santos City – Malugod na tinanggap ng Aviation Security Group 12 ang isang Unit ng Police Patrol Car mula sa General Santos City Mayor sa City Hall, General Santos City noong araw ng Sabado, Hulyo 16, 2022.
Pinangunahan ni Lorelie Geronimo Pacquiao, City Mayor, ang turn-over ceremony ng donasyon ng isang Patrol Car sa AVSEU 12 at malugod namang tinanggap nila PBGen Andre Dizon, Director ng AVSEGROUP; PCol James Allan Logan, Chief ng AVSEGROUP 12; PMaj Manuel Refuerzo, Assistant Chief ng AVSEGROUP 12; at iba pang mga opisyal ang susi at dokumento ng sasakyan.
Kaakibat nito, gagamitin ang nasabing sasakyan upang palakasin ang pagsusumikap ng AVSEU 12 para labanan ang anumang uri ng kriminalidad sa kanilang nasasakupan.
Bilang pasasalamat naman ng AVSEG ay taos pusong nagbigay rin sila ng token sa Alkalde.
Lubos namang nagpahayag ng pasasalamat si PCol Logan, sa ipinakitang suporta ng pamahalaan ng General Santos City lalo na sa pagbibigay ng sasakyan na gagamitin ng PNP sa pagpapanatili ng kapayapaan at kaayusan sa naturang lalawigan.
Source: Serbisyong Totoo: tatak Pacquiao
###
Panulat ni Patrolman Khnerwin Jay A Medelin
